English Sinhala Tamil

Latest News

  • sltb Planning Report (03/10/2018)
      P & L Report August 2018  
  • galary (03/10/2018)
  • tender2 (02/10/2018)
    New Invitation for Bids Procurement of supply installation, testing, commissioning and maintenance of 200 nos. of Bell & Light level crossing protection systems to Sri Lanka Railways   Procurement Notice Procurement of design, manufacturing, supply and commissioning of re-railing equipments and accessories to motive power sub department  
  • sltb Planning Report (03/10/2018)
      P & L Report August 2018  
  • galary (03/10/2018)
  • tender2 (02/10/2018)
    New Invitation for Bids Procurement of supply installation, testing, commissioning and maintenance of 200 nos. of Bell & Light level crossing protection systems to Sri Lanka Railways   Procurement Notice Procurement of design, manufacturing, supply and commissioning of re-railing equipments and accessories to motive power sub department  

Massages

                               ගරු ප්‍රවාහන හා සිවිල් ගුවන්සේවා අමාත්‍යතුමන්.      

 

                                                                               

                                                                            

 

ශ්‍රී ලංකාවේ මගී ප්‍රවාහන කේෂත්‍රෙය් දැවැන්තයා වන ශ්‍රී ලංකා ගමනා ගමන මණ්ඩලයට  සිය අභිමානය දේශයට විදහා දක්වමින් ඉදිරයට යන මෙම අවධියේ.................

විශේෂයෙන් නිල වෙබ් අඩවිය දියත් වන  අවස්ථාවේදී මාගේ හෘර්දයාංගම සුභාෂිංශන සියළු සේවකයන් වෙත සතුටින් පිරිනැමීමට කැමැත්තෙමි. ශ්‍රී ලංකා ගමනාගමන මණ්ඩලය දිනෙන් දින දියුනුවට පත්වේවායි මම හදවතින්ම ප්‍රාර්ථනා කරමි.

 

නිමල් සිරිපාලද සිල්වා

ගරු අමාත්‍ය

ප්‍රවාහන හා සිවිල් ගුවන් සේවා අමාත්‍යාංශය

                                         ශ්‍රී ලංකා ගමනාගමන මණ්ඩලයේ ගරු සභාපතිතුමාගේ පණිවිඩය.

                                                   

මාර්ගස්ථ මගී ප්‍රවාහනයේ යෙදෙන එකම රාජ්‍ය ආයතනය වන ශ්‍රි ලංකා ගමනාගමන මණ්ඩලය වෙත සේවා සපයන ආයතනයක් වශයෙන් පැවරෙන වගකීම සුවිශාලය.

විශේෂයෙන්ම අර්ධ රාජ්‍ය ආයතනයක් වශයෙන් හා ප්‍රථම ජනසතු ව්‍යාපාරය වශයෙන් 1958 වසරේ සිට ශ්‍රි ලංගමයට පැවරුණු මෙම වගකීම සඳහා ශ්‍රි ලංගම සභාපති වශයෙන් වර්තමානයේ නායකත්වය ලබාදීම ම මහත් අභියෝගයකි.

එම අභියෝගය මීට පෙර එනම්, 1994 වසරේ සිට 2001 වසර දක්වා මා වෙත පැවරී තිබුණු අතර ශ්‍රි ලංගම ඉතිහාසයේ වැඩිම කාලයක් සභාපති තනතුර දැරූ හා ළාබාලතම සභාපතිවරයෙකු වශයෙන් මා විසින් එම වකවානුවේදී සාර්ථකව එම අභියෝගය ජයගත් බවට විශ්වාසයක් මා තුළ විය.

2015  වසරේ දී නැවත ශ්‍රී ලංකා ගමනාගමන මණ්ඩලයේ සභාපති තනතුර භාරගන්නා ලෙසට ආරාධනා කළ අවස්ථාවේදී ඒ වන විට ශ්‍රි ලංගමය තුළ පැවති තත්ත්වය පිළිබඳව සොයා බැලීමේදී මහත් වූ අර්බුදයකට වැටී තිබුණු ශ්‍රි ලංගමය නැවත නගා සිටුවීම කලින් සඳහන් කළ අභියෝගයට සාපේක්ෂව ඉතා දුෂ්කර වූ අභියෝගයක් බව මට වැටහී ගියේය.

ඒ වන විට ශ්‍රී ලංගමයේ ණය බර රුපියල් මිලියන 16,000/- කට ආසන්න වූ අතර, ශ්‍රී ලංගම සේවකයන්ගේ හිඟ අර්ථසාධක අරමුදල් හා අධිභාර නොගෙවීම නිසාත් විශ්‍රාමික සේවකයන්ගේ පාරිතෝෂික මුදල් නොගෙවීම නිසාත් ශ්‍රි ලංගම සභාපති ඇතුළු අධ්‍යක්ෂ මණ්ඩලය වෙත වරෙන්තු 250 කට ආසන්න ප්‍රමාණයක් අධිකරණවලින් නිකුත් කර තිබිණි.

මේ නිසාම ශ්‍රි ලංගම අධ්‍යක්ෂ මණ්ඩලයේ සභාපති වීම යනු බන්ධනාගාරගතවීමට ලැබෙන “වරප්‍රසාදයක්” බව පොදු මතය විය.

කෙසේ වුවද අභියෝග භාර ගැනීමේ මාගේ නිසඟ ආශාව නිසාම 2015 මාර්තු මස 23 දින      ශ්‍රි ලංගම සේවකයන්ගේ විශේෂ ඉල්ලීම මත ශ්‍රී ලංගම සභාපති තනතුර භාර ගැනීමට අධිෂ්ඨාන කර ගතිමි.

එසේ සභාපති තනතුර භාරගත් දින, 1. ශ්‍රී ලංගමය ණය බරින් නිදහස් කරගැනීම.  2. ශ්‍රී ලංගම මානව සම්පත ඉලක්ක කරා මෙහෙයවීම පිණිස සංවර්ධනය කිරීම.  3. ශ්‍රි ලංගම මගී ප්‍රවාහනය ප්‍රමාණාත්මකව හා ගුණාත්මකව සංවර්ධනය කිරීම. 4. ශ්‍රි ලංගම සඳහා නවීන තාක්ෂණය යොදවා ගැනීම යන ඉලක්ක සපුරා ගතයුතු බවට සනිටුහන් කරගතිමි.

මෙහිදී ප්‍රවාහන විෂයභාර අමාත්‍යවරයා වශයෙන් ගරු නිමල් සිරිපාල ද සිල්වා මැතිතුමාගේ පත්වීම මා ඇතුළු ශ්‍රී ලංගම සේවකයන් ලද ආශිර්වාදයක්ම විය. ඊට අමතරව නියෝජ්‍ය අමාත්‍යවරයා වශයෙන් ගරු අශෝක් අබයසිංහ මහතාගේ හා ප්‍රවාහන හා සිවිල් ගුවන්සේවා අමාත්‍යාංශයේ ලේකම්තුමා ප්‍රමුඛ කාර්ය මණ්ඩලයේ සහ සියලුම පිළිගත් වෘත්තීය සමිතිවල සහයෝගය කොන්දේසි විරහිතව මා වෙත ලැබීම ද මා ලද භාග්‍යයක්ම විය.

එමෙන්ම ශ්‍රී ලංගම අධ්‍යක්ෂ මණ්ඩලීය සාමාජිකයන් විසින් මූල්‍යමය, පරිපාලනමය හා සැලසුම් යන ක්ෂේත්‍රයන් සම්බන්ධයෙන් උපදේශනයෙන් හා දැනුවත් කිරීමෙන් ලබාදුන් සහයෝගය අප්‍රමාණය.

මෙම පසුබිමේදී මාගේ පවුලේ සාමාජිකයන් වශයෙන් මා කවදත් සලකන ශ්‍රි ලංගම සේවක සේවිකාවන් විසින් මා හට සහයෝගය ලබාදීමට ස්වේඡාවෙන්ම ඉදිරිපත් වීම මත මේ වන විට ශ්‍රි ලංගමය වෙත යොමු වී තිබුණු බොහෝ අභියෝගයන් ජය ගැනීමට හැකි වී තිබේ.

ඒ අනුව ශ්‍රී ලංගමය මුහුණ දී සිටි අධික ණය බරින් නිදහස් වී ශ්‍රි ලංගම ඉතිහාසයේ වසර 43 කට පසු ලාභ ලබන ආයතනයක් බවට ශ්‍රි ලංගමය පත්කර ගැනීමට හැකි වී ඇත. මෙම ප්‍රගතියට අදාළ සංඛ්‍යා ලේඛන මෙම වෙබ් පිටුවේ සවිස්තරාත්මකව දක්වා ඇති බැවින් එකී සංඛ්‍යා ලේඛන නැවත ඉදිරිපත් කිරීම අනවශ්‍ය බව සිතමි.

එසේම ශ්‍රී ලංගම සේවකයන්ගේ අභිවෘද්ධිය සඳහා සහ ශ්‍රී ලංගමයේ කාර්යක්ෂමතාවය හා ඵලදායීතාවය සඳහා ශ්‍රි ලංගම නිලධාරීන්ට තොරතුරු තාක්ෂණය හා පරිගණක පුහුණුව ලබාදීමේ වැඩ පිලිවෙල ආරම්භ කර අතිසාර්ථක ලෙස ක්‍රියාවට නංවා තිබේ.

ශ්‍රි ලංගමයේ අභියෝග ජය ගැනීම පිණිස සියලුම ශ්‍රි ලංගම සේවකයන් නායකත්ව පුහුණු වැඩසටහනට යොමු කිරීම සඳහා කළුතර පළාතොට පිහිටි ශ්‍රි ලංගම නායකත්ව පුහුණු මධ්‍යස්ථානය ආරම්භකර පවත්වාගෙන යාම සමස්ත රාජ්‍ය අංශයටම ආදර්ශයක් වී ඇති බව අතිශයෝක්තියක් නොවනු ඇත.

මෙසේ ණය බරින් නිදහස්ව ගුණාත්මකව සංවර්ධනය වන ශ්‍රි ලංගමයේ ප්‍රතිරූපය නගාසිටුවීම ද මාගේ ඉලක්කයක් විය.

ඒ අනුව ගරු ප්‍රවාහන හා සිවිල් ගුවන්සේවා අමාත්‍යතුමාගේ පූර්ණ අනුග්‍රහය මත ශ්‍රි ලංගම සියලු ඩිපෝවන්වල සනීපාරක්ෂක පහසුකම් ඇතුළු යටිතල පහසුකම් සංවර්ධනය කිරීමට කටයුතු යොදා ඇති අතර පිටකොටුව මධ්‍යම බස්රථ කාර්යාල පරිශ්‍රය තුළ සේවක විවේකාගාරය නවීකරණය කොට ශ්‍රි ලංගම සේවකයන් සඳහා පහසුකම් සැපයීමට සියලු ක්‍රියාමාර්ග ආරම්භ කර ඇත.

මගී ප්‍රවාහනය හා තොරතුරු තාක්ෂණය එකට මුසු කරමින්, අන්තර්ජාලය හරහා පිටකොටුව මධ්‍යම බස්රථ සංකීර්ණයෙන් ආරම්භ වන දුරගමන් සේවා සඳහා මගී ජනතාවට ආසන වෙන් කිරීමේ පහසුකම  2018 අගෝස්තු මාසයේ සිට ආරම්භ කළ අතර, ඉතා කඩිනමින් එම පහසුකම අනෙකුත් බස්රථ සේවාවන් සඳහා ද හඳුන්වා දීමට නියමිතය.

මගී ප්‍රවාහන කටයුතු ඉටුකරන ආයතනයක් වශයෙන් ශ්‍රී ලංගමය අසංවේදී යකඩ, රබර්, ප්ලාස්ටික්, ඊයම් වැනි අප්‍රාණික ද්‍රව්‍ය වලින් නිර්මිත බස්රථ ප්‍රවාහනයට යොදවන අතරම සංවේදී සිත්සතන් ඇති 30,000 ක් පමණ වන සේවක සේවිකාවන්ගේ කම්කරු අයිතීන් හා සේවක ශුභ සිද්ධිය පිළිබඳව වගකීම් සහිතව කටයුතු කිරිම අතිශය සංවේදී හා බැරෑරුම් කර්තව්‍යයක් බව අමුතුවෙන් කිව යුතුව නැත.

මෙම අභියෝගය ජයගනිමින් ශ්‍රී ලංගම ඉතිහාසය තුළ මෙතෙක් හිමි වී නොමැති විශාලතම ප්‍රසාද දීමනා මුදල මෙම වසර අවසානයේ දී සියලු සේවකයින්ට ලබාදීමට හැකි වී ඇති බව පවසන්නේ බලවත් ප්‍රමෝදයෙනි.

අනෙකුත් රාජ්‍ය ආයතනයන්ට සාපේක්ෂව ශ්‍රී ලංගම සේවකයන්ට ලැබෙන මාසික වැටුප ඉතාමත් අවම වැටුපක් වීම කණගාටුවට කරුණක් වූ අතර, එම අවම වැටුප තවදුරටත් අවමයේ නොතබා අවම වැටුප්තලය රු. 24,750/- ක මට්ටම දක්වා ගෙන එමින් 2018 ඔක්තෝම්බර් මස 01 දින සිට ක්‍රියාත්මක වන පරිදි සේවකයන් වෙත ලබාදීමට දායකත්වය ලබාදීම මාගේ සේවා කාලය තුළදී ලද සුවිශාල ජයග්‍රහණයක් බව සඳහන් කරමි.

මෙසේ සේවක ප්‍රසාදය සහිතව වර්තමානයට අනුව යාවත්කාලීන වෙමින් නවීනත්වයේ පහස ලබමින් අඳුර විනිවිද අනාගත ජයග්‍රයණය සඳහා පියනගන ශ්‍රී ලංකා ගමනාගමන මණ්ඩලය ආසියාවේ විශිෂ්ටතම මගී ප්‍රවාහන සේවය බවට පත්කිරීම ගරු ප්‍රවාහන හා සිවිල් ගුවන්සේවා අමාත්‍යතුමාගේ ආශිර්වාදය හා අනුග්‍රහය මත මා ඇතුළු ශ්‍රි ලංගම සේවකයින්ගේ අපේක්ෂාව වේ.

එබැවින්, 2019 වසරේ සිට සියලුම ශ්‍රී ලංගම රියදුරු හා කොන්දොස්තර මහතුන් සඳහා නිල ඇඳුම් ලබාදිමට කටයුතු යොදා ඇති අතර, නවීනත්වයට මුහුණ දෙමින් බලශක්ති අර්බුදයට පිළයම් වශයෙන් සුඛෝපභෝගී විදුලි බස්රථ සේවාවක් ආරම්භ කිරීමට ද අවශ්‍ය පියවර ගෙන තිබෙන බව සඳහන්  කරන්නේ දැඩි සතුටකිනි.

සිරිලක ගම්දනව්  හා පුරවර සිසාරා අළුයම, දහවල සහ රාත්‍රිය මුළුල්ලේ අඩසියවසක් ද ඉක්මවා අනසක පතුරවන  ශ්‍රී ලංගම සිංහයාගේ සිංහ නාදය තවතවත් තීව්‍ර කරන ශ්‍රි ලංකා ගමනාගමන මණ්ඩලයේ වෙබ් අඩවිය තුළ ශ්‍රි ලංගම සභාපති වශයෙන් මාගේ මෙම සටහන දුෂ්කර ගමනක කෙළවර තබන ලද සොඳුරු පියසටහනක් සේ මම දකිමි.

ලංගමය සෑමදා ලක් මවගෙ                                          ජීවයයි

ජංගමය සියලු කල නොනවතියි පෙරට                             යයි

පින්බරය අප සැවොම එකම පවුලක්                            වගෙයි

ලංගමය ලක් මවය කියා වෙනසක්                          නොවෙයි

 

රමාල් සිරිවර්ධන,

සභාපති,

ශ්‍රී ලංකා ගමනාගමන මණ්ඩලය.